İran Xarici İşlər Nazirliyinin sözçüsü İsmayıl Bəqayi ABŞ Mərkəzi Komandanlığının (CENTCOM) “ABŞ ordusu heç vaxt mülki şəxsləri hədəf almır” açıqlamasına reaksiya verib.

Liderxeber.az xəbər verir ki, o, sosial media paylaşımında CENTCOM sözçüsü Tim Hokinsin ABŞ ordusunun mülki şəxsləri hədəf almadığı barədə bəyanatını tənqid edib.

İran rəsmisi ABŞ ordusunun Əfqanıstan və İraqda toy mərasimlərinə endirdiyi zərbələri xatırladıb. O, 2002-ci ildə Əfqanıstanın Kakarak, 2004-cü ildə İraqın Mukaradeeb, 2008-ci ildə isə Əfqanıstanın Deh Bala və Veç Baqtu şəhərlərində toy mərasimlərinə hücum edildiyini bildirib.

Bəqayi mükafat qazanan ABŞ istehsalı “Vətən” serialında Pakistanda toy mərasiminə ABŞ ordusunun hücumunun təsvir edildiyini diqqətə çatdırıb: “Həqiqət o qədər dəhşətlidir ki, hətta Amerika təbliğatı belə Hokinsin bu gün irəli sürdüyü iddianı irəli sürməyə cəsarət etməyib. Sirik hekayə deyil. Mülki şəxslər realdır. Qurbanlar realdır”.