Rusiya və ABŞ prezidentləri Vladimir Putinlə Donald Tramp Asiya-Sakit Okean İqtisadi Əməkdaşlıq Təşkilatının (ASİƏT) sammiti çərçivəsində görüşə bilərlər.

Liderxeber.az “RİA Novosti”yə istinadən xəbər verir ki, bunu Rusiya Prezidentinin köməkçisi Yuri Uşakov deyib.

“Düşünürəm ki, bütün hallarda, əgər hər iki lider Çindədirsə, çox güman ki, onların yolları kəsişəcək. Hələlik bu barədə razılıq əldə edilməyib, lakin kiminsə bundan imtina etmə ehtimalı azdır”, - o bildirib.

Bununla belə, Uşakov Moskva və Vaşinqtonun Çində dövlət başçıları arasında görüşün keçirilməsi ilə bağlı bir-biri ilə əlaqə saxlamadıqlarını deyib.

Qeyd edək ki, ASİƏT-in növbəti sammiti bu ilin noyabr ayında Çində keçiriləcək.