ABŞ-də tanınmış italiyalı rəssam Mauritsio Kattelanın dizayn etdiyi 100 kiloqramlıq, 18 karat qızıldan hazırlanmış "Amerika" adlı unitaz hərracda 12 milyon 110 min dollara satılıb.

Liderxeber.az xəbər verir ki, qeyri-adi unitaz məşhur "Sotheby's" hərrac evində alıcı tapıb.

Məlumata görə, satışla bağlı məlumat hərrac evinin saytında yerləşdirilib.

Qeyd olunur ki, Kattelanın hazırladığı unitaz tam işlək vəziyyətdədir.

Belə unitazlardan dünyada yalnız iki ədəd mövcuddur. Onlardan biri 2019-cu ilin sentyabrında Böyük Britaniyadakı Blenheym sarayından oğurlanıb. Unitaz sarayda keçirilən incəsənət sərgisi çərçivəsində nümayiş etdirilib və istifadəyə yararlı olub.