Böyük Britaniya hökuməti məscidlərin və müsəlman dini mərkəzlərinin hücumlardan qorunması üçün təhlükəsizlik tədbirlərinin gücləndirilməsinə 10 milyon funt sterlinq (təxminən 13.3 milyon dollar) əlavə vəsait ayırmağı nəzərdə tutur.

Liderxeber.az xəbər verir ki, bu barədə Britaniya hökumətinin Mətbuat Xidmətinin məlumatında deyilir.

Məlumata görə, həmin vəsait videomüşahidə və siqnalizasiya sistemlərinin quraşdırılmasına, hasarların tikintisinə və mühafizə xidmətlərinin maliyyələşdirilməsinə yönəldiləcək. Bu, hökumətin ötən il məscidlərin təhlükəsizliyinin təmin edilməsinə ayırdığı 29.4 milyon funt sterlinq vəsaiti tamamlayacaq.

Qeyd edək ki, Baş nazir Kir Starmer vəsaitin ayrılması haqqında qərarını İngiltərənin Pisheyven şəhərinin məscidinə baş çəkdikdən sonra açıqlayıb. Xatırladaq ki, sözügüdən məscid oktyabrın əvvəllərində naməlum şəxslər tərəfindən yandırılıb. Hadisə nəticəsində xəsarət alan olmayıb.