Banqladeşdə təyyarə kollecin damına çırpılıb: Ölən və çox sayda yaralanan var
Banqladeş Hərbi Hava Qüvvələrinə məxsus təlim təyyarəsinin Dəkkədəki kollec ərazisində qəzaya uğraması nəticəsində azı 28 nəfər xəsarət alıb.
Lidderxeber.az-ın xəbərinə görə, bu barədə "Prothom Alo" portalı məlumat verib.
"Yaralılar bir-bir Dəkkə Tibb Kollecinin Milli Yanıq və Plastik Cərrahiyyə İnstitutuna aparılıblar. Saat 15:30-a (Bakı vaxtı ilə 13:30) olan məlumata görə, ora 28 nəfər daxil olub", - deyə məlumatda bildirilib.
Xəstəxana nümayəndələrinin sözlərinə görə, yaralananların əksəriyyəti tələbələrdir.
Banqladeş Hərbi Hava Qüvvələrinə məxsus "F-7 BGI" qırıcı təyyarəsi paytaxt Dəkkənin Uttara rayonunda kollecin damına çırpılıb.
Liderxeber.az-ın xəbərinə görə, bu barədə "Prothom Alo" portalı məlumat verib.
Məlumata görə, təyyarə kollec yeməkxanasının damına düşüb və qəza nəticəsində bir nəfər ölüb, dörd nəfər yaralanıb.
Hadisə yerində yanğınsöndürənlər və xilasedicilər işləyirlər.
Xilasetmə xidmətinin nümayəndəsi bildirib ki, təyyarənin göyərtəsində yanğın baş verib.
Hadisə ilə bağlı araşdırma aparılır.
