Bu gün ölkə səhiyyəsində öz nüfuzu və uğurları ilə seçilən səhiyyə ocaqlarından biri də “Universal Hospital”dır. Ən son tibbi avadanlıqlarla təchiz olunan hospital peşəkar həkim və tibbi personalı ilə gecə-gündüz demədən, xalqın xidmətindədir.

Fəaliyyətə başladığı ilk gündən insanların sağlamlığını düşünən, öz işlərində xidmət mükəmməlliyi ilə peşəkarlığı bir araya gətirən müəssisə adından da göründüyü kimi universaldır.

Klinika haqqında oxucuları maraqlandıran digər suallara isə  “Universal Hospital”ın baş həkimi, tibb elmləri doktoru, dosent, cərrah-oftalmoloq Aytən Sultanova daha ətraflı cavab verəcək.

Liderxeber.az Aytən Sultanovanın müsahibəsini təqdim edir:

- Aytən xanım, “Universal Hospital”ın özəllikləri barədə eşitmək istərdik.

- Adından da göründüyü kimi, “Universal Hospital” hərtərəfli bir səhiyyə ocağıdır. Ən son tibbi avadanlıq və cihazlarla təmin olunan 21 şöbəmiz fəaliyyət göstərir. Bu da o deməkdir ki,  “Universal Hospital” müraciət edən hər bir pasiyent burada istənilən probleminə əlac tapır.

- Yəni “Universal Hospital”da “yox” yoxdur.

- “Universal Hospital”da olan istər həkim heyəti, istərsə də avadanlıqlar sağlamlıqla bağlı bütün problemləri vaxtında və yerindəcə, özü də yüksək səviyyədə aradan qaldırmağa imkan verir. Yəni bu gün hansısa xəstəliyi müalicə etmək üçün xaricə üz tutmağa gərək yoxdur.

- Eşitdiyimizə görə, dünya kardiologiyasında “möcüzə cihaz” adlandırılan “3D maping” cihazı Azərbaycanda ilk dəfə olaraq məhz “Universal Hospital”da quraşdırılıb. 

- Bəli, tam doğrudur. Bu cihaz əsasən kardiovaskulyar xəstəliklərdə qızıl standart sayılır. Aritmologiyada ən dəqiq diaqnoz məhz bu cihaz vasitəsi ilə qoyulur. İnvaziv kardiologiya üzrə müraciət edən xəstələr üçün əsl tapıntıdır. İnvaziv kardiologiya ürək və damar xəstəliklərinin erkən mərhələdə aşkarlanması və müalicəsi deməkdir. “Universal Hospital”da mövcud olan “Biplan angioqrafiya” cihazı da var ki, ondan neyrovaskulyar damarların, qan dövranı sisteminin və ürək-damar xəstəliklərinin tam dəqiq diaqnostikasında istifadə olunur. Məhz bu cihazlarla biz mükəmməl nəticələr əldə edirik.

Biplan angioqrafiya, iki fərqli bucaqdan görüntü alaraq, həkimlərə damarların daha dəqiq və üçölçülü (3D) təsvirini yaratmağa imkan verir. Bu cür təsvirlər, xüsusilə beyin, ürək və digər həyati əhəmiyyətli orqanlarda əməliyyatların planlaşdırılması və icrası zamanı çox faydalıdır. Biplan angioqrafiya cihazı, həmçinin damar darlığı, genişlənməsi, qıvrımları və ya anevrizmləri kimi vəziyyətləri aşkar etmək üçün həkimlərə kömək edir.

- İnvaziv radiologiya sahəsindəki uğurlarınız da danılmazdır.

- Məhz invaziv radiologiya sayəsində biz xəstəlikləri erkən mərhələdə aşkarlayır və müalicəyə də vaxtında başlaya bilirik.

Kardiak anju, Kardiak MRT, Anjioqrafiya, Damar embolizasiyası, Perkutan drenaj (bədənə toplanmış mayenin xaric olunması), onurğa yırtıqlarının müalicəsi də məhz invaziv radiologiya vasitəsilə aradan qaldırılır.

- Bir cərrah-oftalmoloq kimi sizə gözlə bağlı sual verməyə bilmərəm. Bu gün gözlərimiz nədən gülmür?

- Çünki biz ürəyimizi çox yükləmişik. Gözün gülməsi üçün ürəyin fərəhli, rahat, qayğısız, sağlam olması mütləqdir. Bir cərrah-oftalmoloq kimi bir problemi də mütləq qeyd etməliyəm. Xəstələr çox vaxt gecikdirilmiş diaqnozla gəlirlər. Xüsusən də gözündə katarakta, yəni el dilində desək, “mirvari suyu” olan xəstələr öz sağlamlıqlarına biganə yanaşırlar. Göz xəstəliklərinə laqeyd yanaşmaq olmaz. Ən kiçik siqnal belə narahatlıq doğurmalıdır. Vaxtında müalicə olunmayan göz korluğa aparıb çıxarda bilər.