Quba şəhərində keçirilən “Regional Biznesin İnkişafı və Rəqəmsallaşma Sammiti”ndə Azərbaycanın yerli brendi “Maiden Tower perfume” və esans mərkəzi “Al Kaya Fragrance” öz fərqli konseptləri ilə diqqət mərkəzinə düşüblər.

Liderxeber.az xəbər verir ki, tarixində Quba Olimpiya İdman Kompleksində baş tutan “REGIONAL EXPO: QUBA 2026” çərçivəsində ölkənin qabaqcıl şirkətləri bir araya gəlib. TECHERA, MÜSİAD Azərbaycan və QİAD-ın təşkilatçılığı, KOBİA, ASK və AzFina kimi qurumların rəsmi tərəfdaşlığı ilə keçirilən tədbirdə ətir sektorunun elmi və sosial tərəfləri də geniş işıqlandırılıb.

​Sadəcə ətir satışı deyil, laboratoriya təcrübəsi

​Sərgidə iştirak edən “Maiden Tower perfume” və “Al Kaya Fragrance” rəhbərliyi digər ətir bizneslərindən fərqli olaraq, ziyarətçilər üçün xüsusi laboratoriya konsepti yaradıb. Stenddə ətirlərin yalnız xoş qoxusu deyil, həm də onların sağlamlıq standartlarına uyğunluğu, beynəlxalq sertifikatlaşdırma prosesi və elmi formulyasiyası barədə maarifləndirici məlumatlar verilib. Bu yanaşma, istehlakçıların ətir seçərkən sağlamlıq meyarlarına daha diqqətli yanaşması üçün bir çağırış xarakteri daşıyıb.

​Qadın sahibkarlığına dəstək və regional inkişaf

​Al Kaya Fragrance Bakı direktoru və “Maiden Tower perfume ortağı Dilbər Coşqunsoy mətbuata açıqlamasında bildirib ki, ətir biznesi hazırda regionlarda qadın işgücünün artırılması üçün geniş potensiala malikdir:

​”Biz bu sahəni xanımlar üçün sadəcə bir gəlir yeri deyil, həm də onların cəmiyyətdə aktiv iştirakçıya çevrilməsi üçün bir platforma kimi görürük. Regionlarda qadın sahibkarlığının inkişafı bizim prioritetimizdir.”

Vətən qəhrəmanlarına həsr olunmuş xüsusi kolleksiya

​Tədbirin rəsmi hissəsində millət vəkili Əlibala Məhərrəmov , Quba Rayon İcra Başçısı İlqar Mahmudov, təşkilatçı qurumların rəhbərlikləri brendin stendini ziyarət ediblər. “Maiden Tower perfume” brendinin əslən Qubalı olan rəhbəri İlqar Ələkbərov qonaqlara brendin Vətən müharibəsinə və Azərbaycanın qəhrəmanlarına həsr etdiyi xüsusi məhdud sayda istehsal olunan ətirləri təqdim edib. O, həmçinin regiondakı yerli sahibkarlarla qurulan tərəfdaşlıq əlaqələrinin region iqtisadiyyatına verəcəyi töhfələrdən danışıb.

​Geniş tərəfdaşlıq şəbəkəsi və uğurlu nəticə

PROMETECH, Rabitəbank, Cardinalia Septem Group və digər nüfuzlu sponsorların dəstəyi ilə keçirilən sammit, investorlarla layihə sahiblərini, banklarla sahibkarları bir araya gətirərək gözləniləndən daha yüksək nəticələrlə yekunlaşıb. “Maiden Tower perfume” və “Al Kaya Fragrance” bu platformada həm elmi yanaşması, həm də milli dəyərlərə sadiqliyi ilə sərgi iştirakçılarının rəğbətini qazanıb.

​Qeyd: “Maiden Tower perfume” – Azərbaycanın milli ətir brendidir. “Al Kaya Fragrance” isə dünyanın müxtəlif ölkələrindən gətirilən yüksək keyfiyyətli esansların ölkəmizdəki mərkəz tədarükçüsüdür.