"Mütəmadi testlər infarktın qarşısını almağa kömək edə bilər. Bunlara lipidoqrammanı (xolesterin və onun fraksiyalarının göstəricisi), eləcə də qanda qlükoza səviyyəsini nəzarətdə saxlamaq daxildir".

Liderxeber.az xəbər verir ki, bu barədə News.ru-ya rusiyalı həkim-kardioloq Filip Kuzmenko məlumat verib.

Onun sözlərinə görə, fiziki aktivlik, sakit həyat tərzi və pis vərdişlərdən imtina bu təhlükəli diaqnozun qarşısını almağa kömək edir.

"İnfarktın profilaktikası üçün arterial təzyiqi, lipidoqrammanı, qanda qlükoza səviyyəsini nəzarətdə saxlamaq, fiziki aktivliyi qorumaq, siqaretdən imtina etmək, alkoqolu məhdudlaşdırmaq, stres və narahatlıqdan uzaq olmaq lazımdır", - deyə həkim bildirib.

Həkim əlavə edib ki, insanda infarkt olub-olmayacağını dəqiq proqnozlaşdıracaq analiz mövcud deyil. Yalnız riski qiymətləndirmək olar, lakin bu xəstəliyin yaranıb-yaranmayacağını dəqiq söyləmək qeyri-mümkündür.