Fövqəladə Hallar Nazirliyinin (FHN) Əsaslı Tikinti İdarəsi bir neçə obyekt üzrə əsaslı təmir və yenidənqurma işləri ilə bağlı açıq tender elan edib.

Liderxeber.az xəbər verir ki, satınalma çərçivəsində nazirliyin İdman-Sağlamlıq Klubu və Gəncə Regional Mərkəzində əsaslı təmir işləri, həmçinin Mülki müdafiə qoşunlarının Lənkəran rayonunda yerləşən alayında yenidənqurma və bərpa işlərinin aparılması nəzərdə tutulur.

Tender üzrə ehtimal olunan qiymət 3 milyon 539 min 898.31 manat təşkil edir.

Məlumata görə, layihə çərçivəsində söküntü, kərpic divarların hörülməsi, suvaq və digər tikinti-bərpa işlərinin həyata keçirilməsi planlaşdırılır.