Böyük Britaniya sakini Tommi Qreyvs bir həftə yuxusuz qaldıqdan sonra üzləşdiyi ağır fəsadları təsvir edib.

Liderxeber.az xəbər verir ki, onun hekayəsi “Metro” nəşriyyatında dərc olunub.

Qreyvsin sözlərinə görə, o, xeyriyyə aksiyası zamanı səkkiz gündən çox yatmayıb.

Bir gün onun vəziyyəti qəfildən pisləşib və huşunu itirib.

Kişi bildirib ki, ağır stress, yuxusuzluq səbəbindən qeyri-adi düşüncələr və xəyallar inkişaf etdirib və təcrübənin sonunda reallıqla əlaqəsini tamamilə itirib:

“Nəyin gerçək, nəyin yalan olduğunu anlaya bilmədim və bu, həqiqətən də dəhşətli idi”.

Xəstəxanaya aparılıb və həkimlər ona yuxusuzluqdan qaynaqlanan manik epizodu diaqnozu qoyublar:

“Mən anlaşılmaz şəkildə danışırdım, televiziya studiyasında olduğumu, mahnı oxuduğumu, rəqs etdiyimi, araba ilə hərəkət etdiyimi və irqçiliyə, müharibəyə son qoymağı, xərçəngi birdən müalicə etməyi planlaşdırdığımı düşünürdüm”.

Britaniyalı əlavə edib ki, fiziki sağalması dörd həftə, zehni sağalması isə daha uzun çəkib.