"Çox xoşbəxtəm ki, iki qardaş ölkə olan Azərbaycan, Tacikistan arasında həqiqi köklərə dayanan məhsuldar və möhkəm münasibətlər var".

Bunu "Report"un ABŞ bürosuna açıqlamasında BMT Baş Assambleyasının 78-ci sessiyasında iştirak etmək üçün Nyu-Yorkda səfərdə olan Tacikistan Respublikasının xarici işlər naziri Sirociddin Muhriddin deyib.

"Qardaş ölkəmiz olan Azərbaycanla sözün həqiqi mənasında çox gözəl əməkdaşlığımız var”, - nazir vurğulayıb.

“Azərbaycanı çox sevirik, Bakının gözəlliyinə heyranıq. Mən daha öncə Bakıda olmuşam, Azərbaycan paytaxtının gözəlliyi məni heyran edib. Ümidvaram ki, yaxın zamanda yenidən gözəl Bakınızı ziyarət edəcəyəm”, - Tacikistanın xarici siyasət idarəsinin rəhbəri deyib.