Azərbaycan Prezidenti İlham Əliyev Almaniyada işgüzar səfərdədir.

LiderXəbər-in Almaniyaya ezam olunmuş əməkdaşı xəbər verir ki, Berlində yaşayan azərbaycanlılar Prezident İlham Əliyev rəsmi şəxslərlə görüş üçün gəldiyi əraziyə toplaşaraq, dövlət başçısının kortejini qarşılayıblar.

Soydaşlarımız dövlət başçısı avtomobildən düşəndə “Yaşasın Ali Baş Komandan!”, “Yaşasın Azərbaycan Ordusu!”, “Qarabağ Azərbaycandır!” şüarları səsləndiriblər.

Prezident İlham Əliyev də, öz növbəsində, həmvətənlərimizi salamlayıb.