Nyu-York Əmtəə Birjasının bölməsi olan "Comex" platformasında 2026-cı ilin iyun ayında tədarük ediləcək qızıl füçersinin dəyəri 30 mart 2026-cı ildən bu yana ilk dəfə olaraq bir troya unsiyası üçün 4 500 dollardan aşağı düşüb.

Liderxeber.az xəbər verir ki, bu barədə ticarət platformasının məlumatlarında qeyd olunub.

Bakı vaxtı ilə saat 05:02-yə olan göstəricilərə əsasən, qızılın qiyməti 1.43% ucuzlaşaraq bir troya unsiyası üçün 4 496.7 dollar təşkil edib. Saat 05:12-də fyuçers eniş tempini yavaşladaraq bir unsiya üçün 4 507 dollar (-1.2%) səviyyəsində qərarlaşıb. Saat 06:20-yə olan vəziyyətə görə isə, "Comex"də 2026-cı ilin iyununda çatdırılmalı olan qızıl füçersinin dəyəri 0.57% azalaraq bir troya unsiyası üçün 4 536 dollara bərabər olub.

Eyni zamanda, gümüş füçersinin qiyməti də 5 may 2026-cı ildən bəri ilk dəfə olaraq bir troya unsiyası üçün 75 dollardan aşağı enib. Saat 04:34-ə olan məlumatlara görə, gümüşün dəyəri 3.66% geriləyərək bir troya unsiyası üçün 74.7 dollara düşüb. Saat 04:44-ə qədər ucuzlaşma sürətlənib və gümüşün bir troya unsiyası 74.33 dollardan (-4.14%) ticarət edilib. Saat 06:20-də gümüşün qiymətindəki eniş yavaşlayıb və o, bir troya unsiyası üçün 75.41 dollar (-2.93%) səviyyəsində ticarət olunub.