Novruz və Ramazan bayramları ilə əlaqədar “Bakı Metropoliteni” QSC-nin iş rejimi dəyişdirilir.

Liderxeber.az xəbər verir ki, qurumda bayram günlərində gücləndirilmiş iş qrafiki tətbiq ediləcək.

“28 May-Əhmədli” və əksinə istiqamətdə 20-21, 25-28 və 30 mart tarixlərində qatarlararası interval 2,5 dəqiqə təşkil edəcək. Həmin tarixlərdə ehtiyat qatarlar xəttə buraxılmaq üçün hazır saxlanılacaq. Martın 22-24-ü və 29-da isə eyni sahədə interval 3 dəqiqəyədək olacaq.

Martın 20-dən 31-nə qədər “Həzi Aslanov-Əhmədli” sahəsində qatarlararası interval 7 dəqiqə müəyyənləşdirilib.

İntervallar “Avtovağzal-8 Noyabr” və əksinə istiqamətdə 7 dəqiqə, “Avtovağzal-Xocəsən” və əksinə mənzildə 14 dəqiqə təşkil edəcək.

“Bakmil” istiqamətində qatarların hərəkəti 20-21, 25-28 və 30 mart tarixlərində şənbə, martın 22-24-ü və 29-da bazar gününün qrafiki ilə tənzimlənəcək.

Bayram günlərində sərnişinlərin metrodan rahat və təhlükəsiz istifadəsini təmin etmək üçün nəzarət tədbirləri gücləndiriləcək, bütün xətlər üzrə növbətçilik cədvəli əsasında zəruri işçi qüvvəsi ayrılacaq.