Naxçıvanda minik avtomobili qaz xəttinə çırpılıb.

Liderxeber.az xəbər verir ki, hadisə Şahbuz rayonunun Sələsuz kəndində qeydə alınıb.

Hadisə nəticəsində diametri 100 millimetr olan qaz xətti yararsız hala düşüb.

Naxçıvan Regional Qaz İstismarı İdarəsindən bildirilib ki, təhlükəsizlik səbəbi ilə 160 abonentə təbii qazın verilişi dayandırılıb.

Qeyd olunub ki, bərpa işləri yekunlaşan kimi sözügedən ərazidə təbii qazın verilişi təmin ediləcək.