Dünya boksunun canlı əfsanəsi Mayk Taysonun parkinson xəstəliyinə tutulduğu iddia edilib.

Liderxeber.az  xəbər verir ki, bu barədə tanınmış yutuber Ceyk Pol xarici mediaya açıqlamasında bildirib.

Onun sözlərinə görə, 59 yaşlı "Dəmir Mayk" uzun müddətdir ki, müalicə alır və yaddaş problemlərindən əziyyət çəkir. C.Pol həmçinin ötən ilin noyabrın 16-da onların rinqdə üz-üzə gəlməsindən öncə Taysonun dərman qəbul etdiyini iddia edib.

Qeyd edək ki, əfsanəvi boksçunun kumiri, mərhum dünya çempionu Məhəmməd Əli də eyni xəstəlik səbəbindən karyerasını vaxtından əvvəl başa vurmuşdu.

Xatırladaq ki, Tayson və Pol arasında baş tutan döyüş son illərin ən çox izlənilən idman hadisələrindən biri olub və Ceyk Polun qələbəsi ilə yekunlaşıb.