Türkiyədə məşhur müğənni Serdar Ortaç və tanınmış aparıcı Mehmet Ali Erbil də daxil olmaqla 16 şübhəlinin məhkəməyə aparılmasının görüntüləri yayılıb.

Liderxeber.az-ın "İhlas Haber Ajansı"na istinadla verdiyi məlumata görə, onlar qanunsuz mərc oyunlarına təşviq iddiası ilə bağlı prokurorluğa ifadə verəcəklər.

Türkiyənin ədliyyə naziri Yılmaz Tunç da ölkədə səs-küyə səbəb olan bu hadisə ilə bağlı açıqlama verib:

"Məhkəmənin başlatdığı istintaq və bunun nəticəsində həyata keçirilən həbslər var. İstintaqa uyğun şəxslər özlərini müdafiə edəcəklər. Əgər ortada bir cinayət varsa, əlbəttə ki, buna uyğun tədbir görüləcək", - deyə o bildirib.