Son zamanlar xeyli çəki atması ilə gündəmə gələn türkiyəli aktrisa Bergüzar Korelin arıqlama iynələrindən istifadə etdiyi iddia olunur.

Liderxeber.az Türkiyə mətbuatına istinadən xəbər verir ki, 20 kiloqram arıqlayan 43 yaşlı aktrisa iddiaları təkzib edərək bunu necə bacarmasından danışıb.

“Həyatım boyu çox çəki alıb-itirmişəm. Amma intizam, tam qidalanma və məşq proqramı ilə 4 ayda ilk dəfə belə bir dəyişiklik yaşadım. Buna idman məşqçilərimin, dietoloqumun və özümün səyləri sayəsində nail oldum”, - deyə Korel söyləyib.

Qeyd edək ki, B.Korellə yanaşı, bir neçə məşhur sənətçilər sürətlə arıqlaması ilə diqqət çəkir. Belə ki, Işın Karaca, Deniz Seki, Demet Akalın, Şebnem Bozoklu və Zahide Yetiş xeyli çəki atmaları ilə müzakirə mövzusuna çevriliblər. Sosial media istifadəçiləri hesab edirlər ki, bu sürətli arıqlama nəticələri arıqlama iynələrindən qaynaqlanır.

Xatırladaq ki, Bergüzar Korel 2009-cu ildə aktyor Halit Ergençlə ailə həyatı qurub. Cütlüyün 2010-cu ildə Əli, 2020-ci ildə Han adlı oğulları, 2021-ci ildə isə qızları Leyla dünyaya gəlib.