Hacıqabul Quşçuluq Şirkətində Ulu Öndər Heydər Əliyevin anım günü ilə əlaqədar tədbir keçirilib. İştirakçılar əvvəlcə fabrik ərazisində yerləşən Ulu Öndərin büstü önünə gül-çiçək dəstələri düzərək xatirəsini ehtiramla yad ediblər. 
 
Liderxeber.az xəbər verir ki, keçirilən anım tədbirində məlumat verilib ki, bu günlərdə xalqımız böyük azərbaycanlı dahi, görkəmli dövlət xadimi, ulu öndər Heydər Əliyevin anım günü ilə əlaqədar tədbirlər keçirir, bu böyük şəxsiyyətin əziz xatirəsini dərin hörmət və ehtiramla yad edir. 
 
Qeyd olunub ki, 2003-cü il dekabrın 12-də müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyev əbədiyyətə qovuşdu. Xalqımızın yaddaşına əbədi həkk olunmuş dahi şəxsiyyət, hələ sağlığında ikən canlı əfsanəyə çevrilmiş Heydər Əliyev sadəliyi, səmimiyyəti, vətənpərvərliyi və yüksək insani keyfiyyətləri ilə hər bir azərbaycanlının qəlbində unudulmaz izlər buraxıb. Ulu Öndərin həyatı və fəaliyyəti doğma xalqına və torpağa məhəbbət, sədaqət meyarı olub.
 
Tədbirdə çıxış edən natiqlər bildiriblər ki, əsası ulu Öndər Heydər Əliyev tərəfindən qoyulan dayanıqlı inkişaf siyasəti bu gün Prezident İlham Əliyev tərəfindən uğurla davam etdirirlir. Ölkə başçısı İlham Əliyevin rəhbərliyi ilə Azərbaycanın qazandığı möhtəşəm uğurlar ulu öndər Heydər Əliyevin müəllifi olduğu dinamik inkişaf strateqiyasının bəhrəsidir.
 
Tədbirdə iştirakçıları Ulu Öndər Heydər Əliyevlə bağlı xatirələrini bölüşüb, ruhuna dualar ediblər.
 
Qeyd edək ki, anım günü ilə əlaqədar Hacıqabul Quşçuluq Şirkəti tərəfindən ehtiyaclı ailələrə sovqat paylanılıb.