İtaliya milli yığması kişi komandaları arasında keçirilən voleybol üzrə dünya çempionatının qalibi olub.

Liderxeber.az xəbər verir ki, Filippinin paytaxtı Manilada keçirilən dünya birinciliyinin final oyununda onlar bolqarıstanlılarla qarşılaşıblar və 3:1 hesabı ilə qalib gəliblər.

İtaliya Prezidenti Sercio Mattarella qələbə münasibətilə milli komandanın üzvlərini təbrik edib, onlarla Romanın “Quirinale” Sarayında görüşməyi səbirsizliklə gözlədiyi bildirib.

Baş nazir Ciorcia Meloni isə milli komandanı qalib İtaliyanın qüruru adlandırıb.

İtaliya ardıcıl ikinci dəfə voleybol üzrə dünya çempionu olub. 2022-ci ildə Polşanın Katovitse şəhərindəki çempionatda da İtaliyanın kişilərdən ibarət voleybol komandası birinci yeri tutub. Eyni zamanda, bu, İtaliya millisinin 5-ci (1990-cı, 1994-cü, 1998-ci, 2022-ci və 2025-ci illər) tituludur.

Qeyd edək ki, İtaliyanın qadınlardan ibarət voleybol komandası da sentyabrda dünya çempionu adını qazanıb.