Rusiya Prezidenti Vladimir Putin Ukraynadakı münaqişənin həlli üçün zərurət yaranarsa, Prezident Volodimir Zelenski ilə danışıqlarda iştirak etməyə hazırdır.

Liderxeber.az xəbər verir ki, bu barədə Rusiya liderinin mətbuat katibi Dmitri Peskov brifinq zamanı jurnalistlərə bildirib.

O, Putinin dəfələrlə Ukraynanın hazırkı rəhbəri ilə danışıqlara hazır olduğunu bəyan etdiyini xatırladıb.

"Eyni zamanda, əldə olunacaq razılaşmaların hüquqi təsdiqi ciddi müzakirə tələb edir. Çünki mövcud reallıq Zelenskinin legitimliyinin mübahisələndirilməsinə imkan verir. Putin dəfələrlə bu barədə bəyanatlar verib", – deyə Peskov əlavə edib.

Qeyd edək ki, rəsmi Moskva Ukrayna Prezidenti Vladimir Zelenskini legitim lider hesab etmir, çünki onun prezidentlik müddəti 2024-cü ilin mayında başa çatıb. Ukrayna hakimiyyəti ölkədə hərbi vəziyyətə istinad edərək prezident seçkiləri keçirməkdən imtina edib.