Ermənistanın müdafiə naziri Suren Papikyan Cənubi Qafqaz regionunda yeni eskalasiya üçün heç bir əsas görmür.

Liderxeber.az Ermənistan mətbuatına istinadən xəbər verir ki, o, bu barədə bu gün keçirdiyi mətbuat konfransında bildirib.

"Ermənistan balanslaşdırılmış siyasət yolu ilə öz sərhədlərinin təhlükəsizliyini və toxunulmazlığını təmin etməlidir", - nazir bildirib.

Onun sözlərinə görə, Ermənistan və ABŞ arasında müdafiə sahəsində əməkdaşlıq bu yaxınlarda iki ölkə arasında imzalanmış strateji tərəfdaşlıq sənədinə tam uyğundur: "Əməkdaşlığımız yeni sənəd çərçivəsində davam edəcək.

Biz bir sıra istiqamətlərdə irəliləyiş əldə etmişik. Bu əməkdaşlıqdan məmnunuq. Müsbət dinamika var".