ABŞ-nin Kaliforniya ştatının Fullerton şəhərində kiçik mühərrikli təyyarə binaya çırpılıb.

Liderxeber.az-ın məlumatına görə, bu barədə yerli polis idarəsi “X”də bildirib.

Polisin məlumatına görə, qəza Reymer prospekti ilə Gilbert küçəsinin kəsişməsində baş verib. Şəhər sakinlərinə hadisə baş verən ərazini tərk etmək tövsiyə olunub.

Polisin ölənlər və ya yaralananlar barədə məlumatı yoxdur. Bununla belə, “BNO News” portalı təyyarə qəzasında azı 11 nəfərin yaralandığını bildirib.

ABC7 isə bildirib ki, Fullerton şəhərindəki bir binaya kiçik mühərrikli təyyarənin düşməsi nəticəsində 1 nəfər ölüb, azı 15 nəfər xəsarət alıb.

"Kiçik mühərrikli təyyarə Fullertonda binanın damını deşib. Qəza dördüncü dərəcəli yanğına səbəb olub və qalın hadisə yerindən havaya qara tüstü qalxıb və kilometrlərlə uzaqdan göründü", - nəşr yazır.

Hadisə yerinə polis və yanğınsöndürənlər gəliblər, yanğın söndürülüb, yaxınlıqdakı müəssisələr boşaldılıb.

Qəzanın səbəbləri hələ məlum deyil.