Yeni Zelandiya İsrail və Qəzzaya humanitar yardım məqsədilə 3 milyon dollar ayıracaq.

LiderXəbər xəbər verir ki, bu barədə ölkənin Baş naziri Kris Hipkins bildirib.

Hökumət başçısının sözlərinə görə, vəsaitin yarısı Beynəlxalq Qızıl Xaç Komitəsinin, digər hissəsi isə BMT-nin xətti ilə göndəriləcək.

“Yeni Zelandiya hökuməti İsrail, Qəzza zolağı və İordan çayının qərb sahilində yaşayan sakinlərə humanitar yardım məqsədilə 5 milyon Yeni Zelandiya dolları (təxminən 3 milyon ABŞ dolları) həcmində vəsait ayıracaq.

Vəsaitin yarısı Beynəlxalq Qızıl Xaç Komitəsinin xətti ilə tibbi yardımın təşkili üçün göndəriləcək.

Qalan hissəsi isə Qəzza zolağı və İordan çayının qərb sahilində ərzaq təhlükəsizliyi problemini həll etmək üçün BMT-nin Ümumdünya Ərzaq Proqramı xətti göndəriləcək”, - deyə Yeni Zelandiyanın hökumət başçısı qeyd edib.