Qətərin Xarici İşlər Nazirliyi ABŞ ilə İran arasında aparılan müzakirələrdə müsbət dinamikanın olduğunu bəyan edib.

Liderxeber.az xəbər verir ki, bu barədə qurumun rəsmi sözçüsü Macid bin Məhəmməd əl-Ənsari özünün "X" sosial şəbəkə hesabında məlumat paylaşıb.

Diplomatın sözlərinə görə, Dohada vasitəçiliklə baş tutan təmaslar zamanı tərəflər mühüm məsələlərin həllində irəliləyişə nail olublar. Qətər rəsmisi vurğulayıb ki, ölkənin paytaxtında Pakistan tərəfinin vasitəçiliyi ilə ABŞ və İran nümayəndə heyətlərinin ayrı-ayrılıqda keçirilən görüşləri başa çatıb. Əl-Ənsari əlavə edib ki, proses iştirakçıları əldə olunan nəticələrlə kifayətlənməmək və yaxın vaxtlarda yeni görüş təşkil etmək barədə razılığa gəliblər. Onun sözlərinə görə, növbəti məsləhətləşmələrin dəqiq tarixi İranda sabiq ali lider Əli Xameneinin vida və dəfn mərasimləri yekunlaşdıqdan sonra müəyyənləşdiriləcək.