"ABŞ və İran arasındakı ziddiyyətlərin aradan qaldırılmasına dair razılaşmalar Fars körfəzi dövlətləri ilə yanaşı, İsrail və Livanı da əhatə edəcək".

Liderxeber.az TASS-a istinadən xəbər verir ki, bunu Birləşmiş Ştatların vitse-prezidenti Cey Di Vens deyib.

O, ABŞ-li jurnalist Megin Kelliyə verdiyi müsahibədə bildirib:

"Bu, regional xarakterli sülh müqaviləsidir. Sənədə Fars körfəzi, İsrail və Livan da daxil ediləcək. Əsas məqsəd bunun həqiqi bir regional sülh sazişi olmasıdır".

Qeyd edək ki, iyunun 15-nə keçən gecə ABŞ, İran və vasitəçi rolunu oynayan Pakistan rəsmiləri Vaşinqtonla Tehran arasında 60 günlük atəşkəs razılaşmasının əldə edildiyini təsdiqləyiblər. Müvafiq sənədin iyunun 19-da Cenevrədə imzalanması planlaşdırılır.