Rusiyanın məşhur "Maşa və ayı" serialının yaradıcısı Oleq Kuzovkov sözügedən cizgi filmi əsasında tammetrajlı film çəkəcəyini açıqlayıb.

Liderxeber.az xəbər verir ki, bu barədə "Variety" nəşri məlumat yayıb.

Kuzovkov bildirib ki, komandası orijinal layihənin xoşməramlı komediya üslubunu qoruyaraq, "Maşa və ayı" personajlarının yenilənmiş versiyasını qlobal auditoriyaya təqdim etməyi planlaşdırır.

Onun sözlərinə görə, filmin 2028-ci ilin sonunadək tamamlanması nəzərdə tutulur.

"Maşa və ayı" cizgi filmi ilk dəfə 2009-cu ilin yanvarında ekranlara çıxıb. Layihə həm Rusiyada, həm də ölkə xaricində böyük populyarlıq qazanıb.

Cizgi filmi dünyanın müxtəlif ölkələrinin telekanallarında yayımlanıb və geniş tamaşaçı auditoriyası əldə edib.