Sançesin təyyarəsi Ankaranı tərk edib - Yenilənib
İspaniyanın Baş naziri Pedro Sançesin Madriddən İrəvana uçan təyyarəsi Ankarada təcili eniş edib.
Liderxeber.az xəbər verir ki, bu barədə yerli “La Razon” nəşri məlumat yayıb.
“Onu (Pedro Sançesi - red.) Avropa Siyasi Birliyinin sammitində iştirak etmək üçün Ermənistana aparan təyyarə marşrutu yarımçıq dayandırmaq və gözlənilmədən Ankarada eniş etmək məcburiyyətində qalıb”, - məlumatda deyilir.
Hadisəyə texniki problemin səbəb olduğu bildirilir. İspaniya nümayəndə heyətinin bu gün səhər saatlarında Ermənistana yola düşəcəyi gözlənilir.
***
“Habertürk”ün məlumatına görə, gecəni Türkiyə paytaxtında hotellərin birində keçirən Sançesin təyyarəsi bu gün səhər saatlarında Ankaranı tərk edib.
Bildirilib ki, İspaniya Baş naziri və nümayəndə heyətinin də içərisində olduğu “Airbus A310” tipli təyyarə Esenboğa hava limanından İrəvana yola düşüb.
