İsrailin müdafiə naziri İsrael Katz Təl-Əviv və "Hizbullah" qruplaşması arasında qüvvəyə minən 10 günlük atəşkəsin müvəqqəti olduğunu qeyd edib. O bildirib ki, İsrail Müdafiə Ordusu (SAXAL) Livan ərazisini tərk etmir və bu ölkədəki yarımçıq qalmış hərbi tapşırıqlar lazım gələrsə, güc yolu ilə tamamlanacaq.

Liderxeber.az xəbər verir ki, bu barədə "The Times of Israel" portalı məlumat verib.

Bildirilib ki, İsrail ordusu nəzarətə götürdüyü və təmizlədiyi bütün bölgələrdə mövqelərini qoruyur və bunu davam etdirəcək.

O, əlavə edib ki, qarşıya qoyulan əsas məqsəd - "Hizbullah"ın hərbi arsenalının diplomatik və ya hərbi yollarla ləğv edilməsi missiyası əməliyyatın dəyişməz hədəfi olaraq qalır.