Cənubi Afrikanın ev sahibliyi etdiyi G20 Liderlər Sammiti Yohannesburqdakı NASREC sərgi mərkəzində rəsmi qarşılama mərasimi ilə işinə başlayıb.

Liderxeber.az xəbər verir ki, liderlər Cənubi Afrika Prezidenti Siril Ramafosa tərəfindən qarşılanaraq açılış sessiyasına keçiblər.

Qlobal iqtisadiyyatın 85 faizini təmsil edən G20 ölkələrinin liderləri sammitin üç əsas sessiyasında dünya iqtisadiyyatının gələcəyinə təsir edəcək islahatları müzakirə edəcəklər.

Bugünkü ilk iclas ticarətin rolu, inklüziv və dayanıqlı inkişaf, eləcə də, borc yükünün azaldılması mövzularına həsr olunub.

Qitədə keçirilən ilk G20 sammiti olmaqla yanaşı, tədbir Afrika Birliyinin ilk dəfə daimi üzv qismində iştirak etməsi ilə də əlamətdardır. Bu addım Afrikanın qlobal idarəetmədə rolunun güclənməsi kimi qiymətləndirilir.