ABŞ-nin “Apple” şirkəti artıq özünün ən bahalı kompüteri olan “Mac Pro” modelini yeniləməyi planlaşdırmır.

Liderxeber.az-ın “Bloomberg”ə istinadən məlumatına görə, 2023-cü ilin ortalarında satışa çıxarılan son “Mac Pro” versiyası köhnəlmiş “M2 Ultra” prosessoru ilə işləyir və ilk dəfə 2019-cu ildə təqdim olunan eyni dizayna malikdir.

Şirkət mənbələri bildirir ki, bu modelin növbəti versiyası, çox güman ki, hazırlanmayacaq.

Qeyd edək ki, “Mac Pro” “Apple”ın ən yüksək qiymətli kompüteridir və hazırda 7 min dollara satılır. Onun yerini tədricən daha güclü “M4 Max” çipi və 36 GB RAM-la təchiz edilən, qiyməti isə xeyli aşağı – 2 min dollardan başlayan “Mac Studio” modeli tutur.