“Kreml Trampın Rusiya və Ukrayna arasında münaqişənin nizamlanması ilə bağlı verdiyi müddəti diqqətdə saxlayır”.

Liderxeber.az TASS-a istinadən xəbər verir ki, bu barədə Rusiya prezidentinin mətbuat katibi Dmitri Peskov brifinqdə söyləyib.

Kreml sözçüsü bildirib ki, Ağ Ev rəhbərinin münaqişənin nizamlanma müddətinin qısaldılması bəyanatı ilə tanışdırlar.

“Prezident Trampın dünənki bəyanatı nəzərimizdədir. Rusiya ABŞ prezidentinin bəyanatlarına baxmayaraq, öz maraqlarını qorumaq üçün xüsusi əməliyyatı davam etdirəcək. Bununla belə, Moskva münaqişənin sülh yolu ilə həllində maraqlıdır”, - deyə Peskov əlavə edib.

Qeyd edək ki, ABŞ Prezidenti Donald Tramp daha əvvəl Rusiya və Ukraynaya razılığa gəlmək üçün 50 gün vaxt verdiyini, bundan sonra Moskva və onun ticarət tərəfdaşlarına 100 faizlik ticarət rüsumları tətbiq etmək niyyətində olduğunu açıqlamışdı.

Bazar ertəsi isə Amerika lideri Rusiyanın nizamlanmada irəliləyişindən məyus olduğunu, buna görə müddəti 10-12 günə qədər azaltdığını bəyan edib.