Tramp Rusiyaya verdiyi 50 gün möhlətini qısaltdı
ABŞ Prezidenti Donald Tramp Rusiyaya Ukrayna ilə bağlı məsələni həll etmək üçün daha qısa, 10-12 günlük yeni müddət təyin edib.
Liderxeber.az xəbər verir ki, bu barədə Tramp Ağ Evdə keçirilən görüş zamanı çıxışında bəyan edib.
O, əvvəllər müəyyən edilmiş 50 günlük möhlətin artıq mənasını itirdiyini bildirib.
"Mən əvvəlcə səxavətli olmaq istədim, lakin bu müddət ərzində heç bir irəliləyiş müşahidə olunmadı. Odur ki, bu gündən etibarən yeni dedlayn müəyyən edirəm - 10 və ya 12 gün", - deyə ABŞ Prezidenti vurğulayıb.
Trampın açıqlamasına Kreml tərəfindən hələlik rəsmi reaksiya verilməyib.
ABŞ Prezidenti Donald Tramp Moskva və Vaşinqton arasında Ukrayna münaqişəsinin nizamlanması üçün əvvəllər müəyyən etdiyi 50 günlük müddəti azaltmağı planlaşdırır.
Liderxeber.az-ın TASS-a istinadən verdiyi məlumata görə, Ağ Ev rəhbəri bu barədə Böyük Britaniyanın Baş naziri Kir Starmerlə Ternberridə (Şotlandiya) keçirilən görüşdə jurnalistlərin suallarını cavablandırarkən bildirib.
"Mən bu 50 günü daha az müddətə qısaldacağam. Çünki mən artıq cavabı bildiyimi düşünürəm, nə baş verəcəyini bilirəm", - deyə ABŞ lideri bəyan edib.
