“İran və İsrail atəşkəs rejimini pozub”.

Liderxeber.az “Associated Press” agentliyinə istinadən xəbər verir ki, bunu ABŞ Prezidenti Donald Tramp NATO sammitində iştirak üçün Haaqaya yollanmamışdan əvvəl jurnalistlərə açıqlamasında deyib.

“Onlar (iranlılar - red.) atəşkəsi pozdular, lakin İsrail də eynisini etdi. İsraildən narazıyam”, - deyə Tramp qeyd edib. 

O, həmçinin İranın nüvə proqramının məhv edildiyini və İranın bunu bərpa edə bilməyəcəyini vurğulayıb. 

Xatırladaq ki, bu gün səhər saatlarında İran və İsrail arasında atəşkəs qüvvəyə minmişdi. Lakin daha sonra İsrailin müdafiə naziri İsrael Katz İranın atəşkəs rejimini pozduğunu açıqlayıb və bildirib ki, İsrail ordusuna Tehrana zərbələr endirməklə bağlı göstəriş verib. İran tərəfi isə atəşkəsi pozması barədə yayılan məlumatları təkzib edib.