İran Silahlı Qüvvələrinin Baş Qərargah rəisi general-mayor Məhəmməd Baqiri silsilə hərbi təlimlərin başladığını elan edib.

Liderxeber.az xəbər verir ki, bu barədə "Azad İran" "Telegram" kanalı məlumat verib.

Onun sözlərinə görə, təlimlər İran ordusunun müdafiə qabiliyyətinin artırılması, eləcə də döyüş hazırlığının qiymətləndirilməsi məqsədilə keçirilir. Baqiri əlavə edib ki, təlimlər həm də düşmənin hərəkətlərini izləmək məqsədi daşıyır.

Bu qərar İsrailin İranın nüvə obyektlərinə mümkün zərbələri ilə bağlı xəbərlər fonunda və Atom Enerjisi üzrə Beynəlxalq Agentliyin (AEBA) Rəhbərlər Şurasının İran əleyhinə qətnamə qəbul etməsindən sonra qəbul edilib.