Liberiya Prezidenti Cozef Boakayın olduğu təyyarə qəza enişi edib.

Liderxeber.az-ın xəbər verir ki, bu barədə BBC məlumat yayıb.

Bildirilir ki, təyyarə Nigeriyada keçirilən İqtisadi Əməkdaşlıq Təşkilatının (ECOWAS) 50 illik yubiley tədbirindən qayıdarkən Monroviyadakı beynəlxalq hava limanına eniş zamanı şassi sistemində nasazlıq aşkar edilib. Nəticədə təyyarə sərt eniş edib.

Prezident Boakay hadisədən salamat çıxıb, onun xəsarət almadığı vurğulanır.

"Bu, çox ciddi və təhlükəli vəziyyət olub, amma faciənin son anda qarşısı alınıb", - deyə Liberiya Hava Limanları İdarəsi insidentin təfərrüatını təsdiqləyərək bildirib.

O da qeyd olunub ki, uçuş-enmə zolağının infrastrukturu beynəlxalq təhlükəsizlik standartlarına tam uyğundur.

Hazırda hadisənin səbəbləri araşdırılır, hüquq-mühafizə orqanları təhqiqat aparır.