Avstraliyanın şərqində leysan yağışların səbəb olduğu daşqınlar nəticəsində dörd nəfər ölüb, bir neçə nəfər itkin düşüb.

Liderxeber.az xəbər verir ki, bu barədə Yeni Cənubi Uelsin Fövqəladə Hallar üzrə Dövlət Xidməti (SES) məlumat verib.

Qeyd olunur ki, daşqından zərərçəkmişlərə kömək etmək və onun nəticələrini aradan qaldırmaq üçün 2200 təcili yardım işçisi, 500-dən çox kater və qayıq, 9 helikopter səfərbər edilib.

Avstraliyanın şərqində yağan güclü yağışlar nəticəsində ikinci həftədir ki, 150-dən çox yaşayış məntəqəsi su altında qalıb və sakinlər evlərini tərk etməyə məcbur olublar. Mayın 23-də səhərə qədər 50 mindən çox insan çayların daşması və daşqınlar səbəbindən təcrid olunmuş vəziyyətdə qalıb, 7 min evdə hələ elektrik enerjisi yoxdur.