ABŞ-nin deportasiya gözləyən şəxslərin saxlanıldığı miqrasiya mərkəzlərindən birində qeyri-adi hadisə baş verib.

Liderxeber.az-ın verdiyi məlumata görə, "Reuters" informasiya agentliyinin dronunu səmada görən 30-dan çox məhbus improvizə edilmiş "fotosessiya" təşkil etməyi qərara alıb.

Miqrantların bəziləri bu mərkəzdə xüsusilə təhlükəli hesab edilən məhbusların geyindiyi qırmızı kombinezonlarda olublar. Saxlanılanların qohumlarının sözlərinə görə, immiqrasiya mərkəzində saxlanma şərtləri son dərəcə ağırdır - insanlar aclıq çəkir və özlərini qorumaq üçün növbə ilə yatmağa məcburdurlar.

Daha əvvəl ABŞ Prezidenti Donald Trampın Administrasiyası cinayətkar qruplaşmaların ehtimal olunan üzvlərinin Salvador həbsxanalarına deportasiyasını əsaslandırmaq üçün hərbi vəziyyət qanunundan istifadə edib.