Kardioloq Natalya Solovyeva ürək sağlamlığı üçün faydalı olan dörd qida kateqoriyası barədə məlumat verib.

Liderxeber.az xəbər verir ki, o, ilk növbədə ürək sağlamlığı üçün daha çox tərəvəz və göyərti yeməyi tövsiyə edib.

Kardioloq izah edibki, kahı, cəfəri, şüyüd, ispanaq, turşəng, brokoli, gül kələm və balqabağın müntəzəm istehlakı qan təzyiqini normallaşdırmağa və iltihabla mübarizə aparmağa kömək edir.

Solovyeva ürək və qan damarları üçün faydalı olan ikinci qida qrupu kimi tərkibində omeqa-3 yağ turşuları olan skumbriya, qızılbalıq, sardina və siyənək kimi balıqları misal çəkib.

Həkim həmçinin omeqa-3-ün bitki mənşəli mənbələri arasında avokado və zeytun yağını da qeyd edib.

Solovyeva əlavə edib ki, liflə zəngin tam taxıl və paxlalı bitkilər də ürək üçün faydalıdır.

Onun sözlərinə görə, həll olan qida lifi xolesterolu bədəndən çıxarmağa kömək edir.

Kardioloq qeyd edib ki, müntəzəm olaraq giləmeyvə və meyvə yemək eyni dərəcədə vacibdir.

“Onların tərkibindəki antioksidantlar normal qan təzyiqini saxlamağa, damar elastikliyini qorumağa və beləliklə, aterosklerozun irəliləməsinin qarşısını almağa kömək edir”, - deyə vurğulayıb.