Metronun “28 May” stansiyasında azyaşlıya qarşı qeyri-etik hərəkətlər edən şəxs həbs olunub.

Liderxeber.az-ın əldə etdiyi məlumata görə, hadisə bir neçə gün əvvəl saat 18:48-də baş verib.

Belə ki, qatardan düşən azyaşlı metropoliten əməkdaşına yaxınlaşaraq tanımadığı şəxsin vaqonda ona qarşı əxlaqsız hərəkətlər etdiyini deyərək kömək istəyib. Azyaşlı həmin şəxsin qatardan düşərək gəldiyini və əməllərinə davam etdiyini deyib.

Dərhal metro əməkdaşı yaxınlıqdakı polisi çağırıb və həmin şəxs saxlanılıb. Bu zaman 30-35 yaşlı şəxs müqavimət göstərərək səs-küy salıb. Sərxoş halda olan həmin adam polis şöbəsinə aparılıb və onun Gəncə şəhər sakini, 1991-ci il təvəllüdlü Ş.İsmayılov (şərti) olduğu müəyyənləşib. Sərxoş halda olan vətəndaş barəsində İnzibati Xətalar Məcəlləsinə uyğun olaraq protokol tərtib edilib və Nəsimi Rayon Məhkəməsinə göndərilib.

Saxlanılan şəxs ifadəsində sərxoş olduğu üçün heç bir şey xatırlamadığını deyib və “bir səhvdir olub”, - deyərək üzr istəyib.

Məhkəmənin qərarı ilə 34 yaşlı kişi 30 sutkalıq həbs edilib və Daxili İşlər Nazirliyinin inzibati həbs olunanların saxlanma məntəqəsinə göndərilib.