İtaliya A seriyasında növbəti baş məşqçi istefası gerçəkləşib.
Apasport.az saytının məlumatına görə, “Sampdoriya”nın mətbuat xidməti Roberto Daversanın istefasını açıqlayıb.2021-ci ilin yayından Genuya təmsilçisinə rəhbərlik edən 46 yaşlı mütəxəssis mövsümü başa çatdıra bilməyib. Buna komandanın uğursuz nəticələri səbəb olub.
“Sampdoriya” A seriyasının turnir cədvəlində 15-ci pillədə qərarlaşıb. Genuyalılar son üç matçda uduzublar.
Qeyd edək ki, klubun yeni baş məşqçisi hələ müəyyənləşməyib.