Neftçalada qardaşını qətlə yetirən şəxsin cinayət işi məhkəməyə göndərilib

Gündəm

19 Oktyabr 2021 | 16:35

389 dəfə oxunub

Neftçala rayonunda qardaşını qətlə yetirən şəxsin cinayət işi məhkəməyə göndərilib.

Neftçala rayon prokurorluğundan verilən məlumata görə, 08 iyul 2021-ci il tarixdə Neftçala rayonu, Həsənabad qəsəbə sakini 1976-cı il təvəllüdlü Zaur Məmmədovun bıçaqla sağlamlığına ağır xəsarət yetirilməsi və onun almış olduğu xəsarətlərdən ölməsi faktı ilə bağlı Neftçala rayon prokurorluğunda Cinayət Məcəlləsinin müvafiq maddəsi ilə başlanmış cinayət işinin ibtidai istintaqı tamamlanıb.

İstintaqla müəyyən edilib ki, zərərçəkmişin qardaşı Vahid Məmmədovun şəxsi münasibətlər zəminində aralarında yaranmış mübahisə zamanı bıçaqla Zaur Məmmədova xəsarətlər yetirməsi nəticəsində sonuncu almış olduğu xəsarətlərdən ölüb.

Toplanmış kifayət qədər sübutlar əsasında Vahid Məmmədova Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham elan edilmiş və barəsində həbs qətimkan tədbiri seçilib.
Cinayət işi baxılması üçün aidiyyatı üzrə Lənkəran Ağır Cinayətlər Məhkəməsinə göndərilib.



SON XƏBƏRLƏR

04 Dekabr 2021
03 Dekabr 2021
02 Dekabr 2021
01 Dekabr 2021
30 Noyabr 2021