Ermənistan Milli Təhlükəsizlik Xidmətinin əməkdaşı intihar edib.
REYD “shamshyan.com” saytına istinadən xəbər verir ki, bu gün yerli vaxtla saat 04.00-da paytaxt İrəvanda binalardan birinin həyətində meyit aşkarlanıb.Hadisə yerinə polis və istintaqçıları cəlb olunub.
Hüquq-mühafizə orqanları meyiti tapılan şəxsin 32 yaşlı Mamikon O. olduğunu müəyyənləşdirib.
İlkin məlumata görə, Mamikon O. özünü 6-cı mərtəbədən ataraq intihar edib.
Sayt yazır ki, o, Milli Təhlükəsizlik Xidmətinin kapitan rütbəli əməkdaşı olub.
Faktla bağlı araşdırmalar davam edir, müxtəlif ekspertizalar təyin olunub.