ABŞ İrandan neft ixracına kömək etdiklərinə görə 10 şirkətə sanksiyalar tətbiq edib

İQTİSADİYYAT

30 Sentyabr 2022 | 09:43

1733 dəfə oxunub

ABŞ İranın neft və qaz sənayesi ilə əlaqəli 10 şirkətə əlavə sanksiya tətbiq edib.

REYD TASS-a istinadən xəbər verir ki, bu barədə ABŞ-ın Maliyyə Nazirliyinin mətbuat xidməti məlumat yayıb.Həmi şirkətlər İrandan neft ixracına kömək etdiklərinə görə sanksiya ilə üzləşib.

Siyahıya BƏƏ-də qeydiyyatdan keçmiş “Clara Shipping” və “Virgo Marine”, Hindistandan “Tibalaji Petrochem Private Limited”, həmçinin “Sierra Vista Trading Limited Ml”, “Holding Group Limited”, “WS Shipping Co.”, “Sophychem HK Limited” və Çində qeydiyyatdan keçmiş “Zhonggu Storage And Transportation CO” daxildir.

Yeni məhdudiyyətlərə məruz qalan şirkətlər Hindistan, Çin, Birləşmiş Ərəb Əmirlikləri və digər ölkələrdə yerləşsələr də onların hamısı İranın hüquqi şəxsləri ilə bağlıdır.

Xatırladaq ki, daha əvvəl Çinə neft məhsullarının ixracı ilə bağlı İrana qarşı yeni sanksiyalar tətbiq olunub.



SON XƏBƏRLƏR

09 Oktyabr 2023
07 Oktyabr 2023
06 Oktyabr 2023
05 Oktyabr 2023
04 Oktyabr 2023
03 Oktyabr 2023